متسأليش إزاي

موضوع: متسأليش إزاي الإثنين يونيو 01, 2015 6:24 pm

متسألنيش ازاي
قدرت ابعد
قدرت اعند
قدرت اقسى
قدرت انسى
قدرت ادوس
على كل اللي كان
متتمناش عفوي
وتستسمحني
مش هتحنن
قلب مات
وشبع موت
من زمان
ومتستغربش
ماهو كله منك
بتولمني ليه
وانا كل اللي فيني
وارثه منك
قتلت جوايه
كل حاجه
كانت جميله
غيرت كل المعاني
وكل والمشاعر
شوهت احساسي
بجرح واعر
وحطيت مكانها
حاجات بديله
انا مش انا
ولا القسوه دي
قساوتي
انا جزء منك
متخيرش عنك
وكله بغباوتي
غمضت عيوني
ومشيت وراك وصدقتك
حصدت حبي
وزرعت نار
مستغرب ليه
اني حرقتك
ده زرعك
وده حصادك
مات الحب
ومات الحنان
وبقيت انسان
بلا قلب
واقف قصادك
فـ متسألنيش ازاي
‫‏متسألنيش‬
28 ابريل 2015
الشاعر حسام ابو الحسن